Կոչ աշխարհի արուեստագէտներուն

10.4.2017
News
Ապրիլ 4ին, Ստեփանակերտի մէջ մամլոյ ասուլիսի մը ընթացքին, Թուֆէնքեան Հիմնադրամի հրաւէրով Արցախ այցելող Արսինէ Խանճեանը, Աթոմ Էկոյանը, Էրիք Նազարեանը եւ Սերժ Թանքեանը աշխարհի արուեստագէտներուն կոչ ուղղեցին, որ անոնք Արցախ այցելեն եւ համագործակցին տեղւոյն երետասարդ տաղանդերուն հետ: Ահաւասիկ կոչը:

 

Էրիք Նազարեանը, Սերժ Թանքեանը, Արսինէ Խանճեանը եւ Աթոմ Էկոյանը Ստեփանակերտի մէջ մամլոյ ասուլիսի ընթացքին:

1988էն ի վեր, կամ այն օրէն, երբ Արցախի կամ Լեռնային Ղարաբաղի ժողովուրդը, Խորհրդային Միութեան եւ միջազգային օրէնքներուն տարրն ու ոգին յարգելով, որոշեց կերտել իր սեփական ճակատագիրը եւ գործադրել ազատ ինքնորոշման իր իրաւունքը, Ատրպեճանը հակադարձեց փոկրոմներով, տեղահանութիւններով, յարձակումներով եւ ռազմական լայնածաւալ գործողութիւններով:  Հակառակ այս բոլորին, Արցախի ժողովուրդը կրցաւ պաշտպանել պապենական իր հողերը, անկախութեան հանրաքուէ կազմակերպել եւ պետութիւն ստեղծել:

Հակառակ անոր, որ միջազգային հանրութիւնը այլեւայլ պատճառներով դեռ եւս չէ ճանչցած Արցախի պետութիւնը, այսուհանդերձ, հազարաւոր տարիներէ ի վեր այս հողաշերտին վրայ ապրող ժողովուրդին զաւակները կը շարունակենստեղծագործել եւ արարել, շինել ու ծաղկեցնել, նոյնիսկ երբ սահմաններու երկայնքին չեն դադրիր ատրպեճանական յարձակումները, ռումբի պայթումները, զէնքերու կրակոցները: Այստեղ, այս պատմական հողամասին վրայ, ուր զինադադարի խախտման, վիրաւորներու ու զոհերու մասին լուրերը շատ աւելի են քան որեւէ այլ տեղեկութիւն, հազարաւոր երեխաներ ու երիտասարդներ կը զրկուին ստեղծագործելու եւ արարելու իրենց արդար իրաւունքէն, քանի որ երկիրը կը մնայ շրջափակուած եւ զինադադարը՝ փխրուն: Հազարաւոր տաղանդներ փոխանակ գրիչ եւ վրձին բռնելու, իրենց տունն ու հայրենիքը պահելու համար ստիպուած կ’ըլլան զէնք վերցնել ու ճակատ մեկնիլ: Ատրպեճանական յարձակումներուն եւ այս պարտադրուած պատերազմին բերումով, այս երիտասարդները զրկուած են խաղաղութեան մէջ ստեղծելու եւ իրենց տաղանդը բացայայտելու իրաւունքէն: Սահմանամերձ բնակավայրերու մէջ ապրող հազարաւոր աշակերտներ, դպրոցներուն մէջ երգ ու երաժշտութիւն լսելու փոխարէն, պայթող ռումբի եւ կրակոցներու ձայներ կը լսեն:

Բայց այս բոլորովհանդերձ, մեծ են թիւը այն երիտասարդ տաղանդերուն եւ արուեստագէնտերուն, որոնք կը շարունակեն գրել, յօրինել, նուագել եւ նկարել, նոյնիսկ երբ պատերազմի պատճառով մեկուսացած են աշխարհէն եւ կը գտնուին շրջափակումի մէջ: Դժբխատաբար, անոնք շատ քիչ առիթ ունին շփուելու աշխարհի իրենց գործընկերներուն հետ. շրջափակումն ու մեկուսացումը կը նուազեցնեն փոխադարձ այցելութիւնները, շփումներըեւ փորձի փոխանակումները: Ստեղծագործ այս տաղանդերուն համար սահմանափակ են աշխարհին բացուելու հնարաւորութիւնները, փոխադարձ ճամաչողութեան առիթները: Անոնք պարզապէս զրկուած են արուեստագէտի համար կենսական այս իրաւունքէն:

Ահաւասիկ այս պատճառով, աշխարհի բոլոր ազատ մտածող արուեստագէտներուն կոչ կ’ուղղենք, որ այցելեն Արցախ, դառնան խաղաղութեան եւ համերաշխութեան գործընկերներ, կապ եւ շփում հաստատեն տեղւոյն արուեստագէտներուն եւ ստեղծագործ, տաղանդաւոր մարդկանց հետ, աջակցին, որ իրենք եւս աշխարհին բացուելու հաւասար հնարաւորութիւն ունենան, եւ կարենան իրականացնել՝ խաղաղութեան մէջ ստեղծագործելու եւ աշխարհին հետ կիսուելու իրենց համամարդկային իրաւունքը:

Սերժ Թանքեան

Արսինէ Խանճեան

Աթոմ Էկոյան

Էրիք Նազարեան